Euskal Herriko II. Kopako finala jokatuko du Errealak

Joan zen urtean bezala, Errealak Euskal Herriko Kopako finala jokatuko du, eta berriro ere Athletic izango da aurkaria. Partida erakargarri hau igandean Beasainen jokatuko da, arratsaldeko seietan. 

Argazkia: Euskal Herria Kirola

Talde txuri urdinak atzo Azpeitian -Garmendipe futbol zelaian- lortu zuen finala jokatzeko txartela Añorgari 1-2 irabazi ostean. Añorga aurkari gogorra izan zen eta Errealak bere lanak izan zituen aurkaria garaitzeko. Lehen gola Eguzkiñek egin zuen, aspaldiko partez bere herrian jokatzean. Bigarren zatian Sandrak bigarren gola sartu zuen, baina Añorgak aldeak murriztu zituen. 

Azpeitian ez zen gol gehiagorik egon eta 2-1ekoarekin amaitu zen partida. Errealak bigarren urtez finala jokatzeko aukera izango du. Athletic izango da berriro ere aurkaria, asteazkenean Lagunak talde nafarrari 5-0 irabazi ondoren. Berriro ere txuri urdinak zuri gorrien aurka, mendeku itxurako partida bat izango ote da? 

Igandean Beasainek (18:00etan) derbi interesgarri bat jasoko du, dagoeneko aurredenboraldiko bigarrena izango da. Sport Mundi txapelketan talde bizkaitarrak Erreala garaitu zuen (2-0). Joan zen urtean, Euskal Herriko Kopan Athletic izan zen txapeldun, 4-1 irabazi ostean. 

Denboraldi berriari begira igandekoa azken proba izango da, aukera paregabea Ligako maila hartu eta hurrengo astean Rayori aurre egiteko. 

Igandean, 18:00etan, denok Beasainera. Partida erakargarria, Euskal Herriko bi talde onenen lehia, Kopa bat jokoan... Beasaingo armailak gure zain egongo dira. 

DENOK BEASAINERA!

AUPA ERREALEKO NESKAK!!!

Albistea Realeko web orrialdean

Unai Gazpiori elkarrizketa Realeko web orrialdean
Kronika Euskal Herria Kirolaren web orrialdean