Datozen partiduetako helburuetako bat Athletic-i irabaztea dela adierazi dute Bergarak eta Herrerok

Errealeko neskan taldeko jokalariak diren Ane Bergara eta Ainara Herrero Hamaika Telebistako saio batean egon ziren atzo gauean, Hamaikakoa saioan hain zuzen ere.

Igandeko partiduagatik galdetzean Ane Bergarak aitortu du partida hasieran beldurra zuelak: "Nik partidu aurretik beldurra neukan, beti esan izan dut talde hori ez zaidala hain txarra iruditzen sailkapenean hain behean egoteko"

Herrerok esan zuen nahiko zuela partidu guztiak horrelako onak izatea, baina 1-0ekoarekin eta 3 puntuak etxean geratzearekin konformatzen dela.

Taldeak helburu finkorik ez duela adierazi zuen Ane Bergarak, "ez orain eta ez denboraldi hasieran". Partidu partidu doazela, ahalik eta emaitza hoberenak lortzen gehitu zuen Bergarak.

Bigarren itzuli honetako helburuetako bat Athletic-i irabaztea dela esan zuten, baita Bartzelonari puntuak kentzea eta Espanyol-i etxean irabaztea ere.