REAL SOCIEDAD vs Sant Gabriel

Jada jakingo duzuen moduan, bihar Errealeko neskek partidu garrantzitsu bat daukate, esango nuke orain dela bi astekoa baino garrantzitsuagoa dela. Final laurdenetaraino iritsi dira, historian lehendabiziko aldiz. Honera arte iritsirik, zergatik ez pentsatu final erdietara iristea?

Neskek alde batetik zortea eduki dute, hau esaten dut, aurkari zailago bat tokatzeko aukera bazutelako. Honekin ez dut esan nahi Sant Gabriel talde eskasa denik, inola ere ez. Ikusi genuen ligako partiduetan aurkari gogorra zela. Gainera Kopan bi taldeak nahiko dute final erdietara iritsi eta partidu interesgarri bat izango da.

Hau guztia esanik Zubietara hurbildu zaitezten aipatzea bakarrik geratzen zait. Nik uste dut argi gelditu dela neskek gure babesa behar dutela eta badakigu animoak eta babesa asko eskertuko dutela, batez ere horrelako partidu garrantzitsu batean.

Benetan diot, anima zaitezte Zubietara, giro eder bat aurkituko duzue bertan eta goiz eder bat igaroko duzue bertan. Hori bai, Zubietara hurbiltzearekin bakarrik ez dago ezer, animatu egin behar da, neskei indarrak eman, neskei lagundu…

Bihar, maiatzaren 15a, 11:00etan Z1en.s

AUPA ERREALEKO NESKAK!!!

Ane Urkiri