Errealeko neskak aspaldiko partez garaipenaren bidera itzuli dira, garaipen ederra izan da gainera. Maialen Zelaiak bi gol sartu ditu eta bestea Herrerok. 

Partidua ondo hasi da Errealarentzat, baloiaren kontrol handia lortu baitu eta gola iritsi baino lehenago konbinazio onak egin dituzte erasoan. Gola korner batean heldu da, aldaratzea Zelaiari heldu zaio eta honek bi aldiz pentsatu gabe baloia sareetara bidali du. Bai ikusle eta bai jokalarien artea poz handia piztu du gol honek. 

Atletico-k ez du gauza asko egin lehenengo zatian, Errealeko atezainak, gaurkoan Cris, ez du lan askorik eduki. 

Bigarren zatia ondo baino hobeto hasi da, Gurutzek izugarrizko pasea bidali du Herreron oinetara eta honek atezaina driblatu eta baloia sareetara bidali du. Gol honek lasaitasun gehiago ekarri du. Baina minutu gutxi barru ekipo madrildarrak area barruan zegoen nahastea aprobetxau eta 2-1eko lortu du. Partiduak emozio izan du gol honi esker, madrildarrak berdinketaren bila joan baitira eta lehenengo zatian baino piztuago ibili dira. 

Beste jokaldi batean, Marinak Zelaiari pasatu ondoren, Maialenek area kanpotik ederki jaurti du baloia eta eskuadratik sartu da sareetara. Ikaragarrizko gola, gainea defentsaren presioa zuen eta horrelako gola sartzea izugarrizko meritua du. Nahiz eta hirugarren gola sartu ez da partidu lasai bat izan, hamar minutura Atletico-ko jokalaria atezainaren aurrean bakarrik geratu da eta ondo aprobetxatu du aukera hori. Hortik aurrera Errealak sufritu du baina bere aukeratxoak ere eduki ditu. Egia esan, ikusteko partidu bikaina izan da, eta gainera Errealaren garaipenarekin partidu bikaina baino gehiago izan da. 

Denok oso pozik amaitu dugu, aspaldiko partez garaipen batekin disfrutatzeko aukera izan baitugu. Partidu entretenigarria eta polita, jokaldi on asko ikusi baitira. 

Argazkiak:  Facebook - Picasa albuma
Facebook Atlético Féminas argazkiak 

Hurrengo igandean 17a 11.00etan Katalunian jokatu behar dute, Sant Gabrielen aurka, ea Kopa hasi baino lehen sentsazio onekin amaitzen duten Liga.

Ane Urkiri