ESTI BAJO-ri ELKARRIZKETA

Errealeko nesken elkarrizketekin jarraituz, hurrengoa Esti Bajo-ri egingo diogu, baina hau elkarrizketa ezberdina izango da Internet bidez egingo baitugu. Jokalaria Alemanian dago ikasketa batzuk egiten, Erasmus bidez joan da bertara eta Superligako bigarren fase osoa galduko du, baina hurrengo denboraldian gurekin egongo da berriz ere.

Esti Bajo-k normalean aurrelari edo erdian eskubitik jolastu ohi du. Errealeko aurtengo denboraldia bere bigarrena da, Añorga K.K.E.-tik etorri zen 2009/2010 denboraldian. Añorgan bi denboralditan bakarrik egon zen, hau da, futbolean jokatzen lau urte besterik ez doa, lehen Saskibaloiko 1go Nazionalean jolasten baitzuen Bera-Bera taldearekin.

Zerbait galdetu nahi badiozue bidali zuen galdera Aupa Errealeko Neskak-en facebook-era edo hemen bertan idatzi.