ATZO SORTU ZEN ERREALEKO NESKEN LEHENENGO PEÑA

2011ko otsailaren 17a nesken taldeko lehenengo Peña sortu zen eguna bezela gogoratuko da txuri urdinen historian, atzo Tioka taberna-jatetxean Peña Esti Aizpurua inauguratu baitzen.

Ekimen hunkigarria izan zen, bertara familiakoak joan ziren, baita lagunak eta ekipoko kideak ere -Esti Bajo Skype bidez egon zen, Alemanian baitago Erasmus-etik joanda-, baita Federacion de Peñas, Deabru Urdinak eta Harrobi Taldea ere. Errealaren aldetik Nekane Soria eta kanpo erlazioekin arduratzen den Karmele Zubillaga ere hurbildu ziren tabernara, hauek sinatutako kamiseta bat oparitu zioten, 7 zenbakiarekin eta bere izena gehi Peñaren egoitza izango den tabernarena, Tioka.

Hainbat pertsonek oparitu zioten zerbait jokalariari, Emilio Hernandez-ek (Federacion de Peñas) plaka bat eman zion, baita bufanda eta kamiseta bat ere Harrobi Taldeko Sergio Sanchez-en eskutik.

Esti hunkituta azaldu zen bere hitzaldian, eta laguntza guztiak eskertu zituen; ez zuen ahaztu nahi izan David Garcia tabernako jabea eta gainera jokalariaren laguna, baita bere ahizpa Maialen eta lagun Edurne, Peñako presidenteordea. Hitz poli batzuk ere eskeini zituen Sentimiento Txuri Urdin-entzat, Aupa Errealeko Neskak eta aurrerago aipatu ditudan Peñentzat. Esan dudan bezala, dena oso hunkigarria eta hurbila izan zen.

Hitzaldia eta oparien entregatzearen ondoren, bertan ginen guztiok lunch paregabeaz disfrutatzeko aukera izan genuen, ederra bezain polita izan zen, benetan.

2011ko otsailaren 17a, Errealeko nesken taldeko lehen Peña sortu zen eguna, historiako parte da. Zorionez gero eta gehiago aintzat hartzen da emakumezkoen futbola. Ez dadila gelditu!

Ane Urkiri