REAL SOCIEDAD vs Valentzia
Asteburu honetan, Errealeko mutilek bezala, neskak ere partidu garrantzitsu bat dute, Kopako lehen partidua hain zuzen ere.
Topikoa dirudi baina animatzera hurbildu behar gara, kanporaketa Zubietan erabakita gera dadin, garaipenaz disfruta dezagun.
Zubietan jokatu zuten azken partidua benetan ederra izan zen eta garaipen horrek nesken morala igotzeko balio izan zuen. Espero da igandeko partidu hau ere horrelako edo hobea izatea. Argi dagoen gauza bakarra zera da: neskak daukaten guztia emango dutela zelaian eta guk horrekin disfrutatuko dugula.
Guk, jarraitzaileok, ondo pasatuko dugula badakigu, baina jokalariek ere armailetan giro ederra egotea nahi dute, beraiek ere disfruta dezaten. Jarraitzaile txuri urdinez beterik ikusi nahi dute Zubieta, zelaira irribartsu irteteko eta motibazio extra izan dezaten.
Badakigu Kopan edozer gerta daitekeela, baina gauza jakina da ere afizioaren babesarekin irabaztea errazagoa izango dela. Nahiz eta Valentzia, printzipioz, aurkari ez oso sendoa izan oraindik ez dago ezer erabakita, ez gara konfiatuta joan behar, partidua jokatu egin behar da…
Amaierarako utzi dut partiduaren ordutegia. Igandean izango da, 12:00etan Z1 Zelaian – azkeneko partiduan zorte hona eduki zuten zelaia. Beti bezala sarrera ordaindu egin beharko da sozioa ez izanez gero (10 €); sozioak izanez gero sarrera dohainik da.
Igande zoragarri bat igaro nahi baduzue hurbil zaitezte Zubietara, argazkiak esaten duen bezala zuk ere jolasten baituzu. Lagundu diezaiegun Errealeko neskei garaipena lortzen, 12. jokalaria izan behar gara!
ZUK ERE JOLASTEN DUZU!!!
Ane Urkiri
0 comentarios: